Par partecipâ:

Prin pas – Selezionait une imagjin

Selezionait la imagjin che o volês doprâ. E pues jessi sedi une des fotografiis di archivi che a vegnin dopradis dispès pai memes, sedi une vuestre fotografie. Tantis plateformis pe gjenerazion dai memes a àn za a disposizion imagjins. O podês doprâ plateformis tant che MemeGen e Memegenerator. O sin daûr a creâ une altre pagjine cu la liste di cualchi sît di ûs comun.

Secont pas – Zontait il test

Doprant une plateforme che e cree meme o un altri programari a vuestre sielte, sielzêt il test di meti sore e da pît de imagjin. Chest test al pues jessi divertent o riflessîf – us sostignìn intal creâ memes che a fevelin dal preservâ e dal infuartî une lenghe.

Tierç pas – Salvait e cjariait il meme

Salvait la imagjin e cjariaitle sul vuestri social media preferît (par esempli Instangram, Twitter, Facebook)

Cuart pas – Zontait Hashtags

  • Zontait l’Hashtag #MemeML
  • Zontait l’Hashtag de lenghe (par esempli, #Lakota #Youruba)

Tignît cont che promovi la diversitât linguistiche in rêt al vûl dî jessi in stât di comunicâ in cualsisedi lenghe cence che al coventi rindi disponibil il contignût par cui che nol fevele chê lenghe stesse. In ogni câs, se o vês chê di rivâ a di un public plui larc, o vês la pussibilitât di furnî une traduzion gjenerâl dal test pe descrizion des ideis che a puedin jessi dificilis di voltâ in maniere leterâl.

Cuint pas – partecipait ae sfide

  • Cjatait altris personis che a àn condividût i lôr memes cul hashtag #memeML su Istangram, Twitter o Facebook e comentait, condividêt, tornait a publicâ e tweetâ;
  • Cirît l’hashtag de vuestre lenghe. Stait daûr a chei che a crein memes inte vuestre lenghe mari (par esempli #Lakota, #Yoruba);
  • Visait altris personis par che a crein ancje lôr un meme.

Sest pas – Divertîtsi!